Dorina Stafa, vajza 21-vjeçare nga Kruja, ishte njëra nga 13 viktimat e tragjedisë së Himarës pesë vite më parë. Familja Stafa përkujtoi vajzën e saj, Dorinën studenten e Unisveristetit “Aleksandër Xhuvani” të Elbasanit e cila sëbashku me 45 studentë të tjerë ishin nisur për ekskursion në Sarandë.
Por autobuzi që shoqëronte këta studentë do të përfundonte në humnerë, dhe nga ky aksident tragjik humbën jetën plot 13 studentë dhe 22 të tjerë u plagosën.
Dorina nga Kruja ishte njëra nga viktimat e kësaj ngjarje tragjike. Familjarët në ditën e sotme kanë përkujtuar njeriun e tyre që nuk u kthye më pranë familjes. Hasani, babai i 21-vjeçares, ndihet ende i shokuar, ashtu si pesë vite më parë, ndërsa apelon institucioneve për të zbardhur faktet dhe shkaqet që sollën këtë aksident të rëndë të ndodhur në afërsi të Himarës.
Me lotë në sy, motra e madhe e familjes Stafa, Sejada, tregon momente e kësaj ngjarje nga marrja e lajmit të rëndë, ndërsa akoma më e vështirë ishte dhe incidenti si përfundoi trupi i saj në Elbasan, nga një ngatërriesë njerëzore. “Ishte një ditë e zezë që tronditi tërë kombin. Ishte një tmerr që e kemi përjetuar e që do na shoqërojë tërë jetën”, thotë ajo. Sejada, në njërën nga dhomat e shtëpisë së aj ka të vendosur tërë librat dhe materialet që dispononte motra e saj, Dorina e cila nuk ndodhet më. /tesheshi.com/
