Ikona e tifozëve brazilian, i njohur me nofkën “Gaucho da Copa”, ka ndërruar jetë në moshën 60-vjeçare pas një sëmundje të rëndë disavjeçare. Lajmin e ka bërë të ditur e përditshmja braziliane “O Sul” se Clovis Acosta Fernandes. Babai i katër djemve ka ndërruar jetë në Porto Alegre nga sëmundja e kancerit e cila e kishte kapluar një kohë të gjatë.
Fernandes e ka përcjellur Brazilin në shtatë kampionate botërore, deri sa fama e tij arriti vitin e shkuar në përballjen që “gauchosët” e humbën ndaj Gjermanisë (7-1). Imazhi i tij me Kupën e Botës në duar në Bello Horizonte e kishte prekur çdo tifoz futbolli e veçmas ata brazilianë që nuk arrinin të kapërdinin dot disfatën e thellë në shtëpi nga gjermanët.
Kompeticionin e fundit të cilin e shijoi nga afër ishte ai në Kili, me ç’rast kishte ndjekur kombëtaren braziliane në Kupën e Amerikës. Pas difsatës që vendi i tij e pësoi nga Paraguaji, Fernandes u shtri menjëherë në spital.
“Babai im nuk do ta harrojë kurrë disfatën e rëndë ndaj Gjermanisë dhe do ta kujtonte sikur të kishte tatuazh”, theksoi njëri nga djemtë e tij në mediat braziliane. /tesheshi.com/
