Duket sikur fjalët e fundit të së moshuarës 100-vjeçare, Barbulla Pepa nga fshati Fang i Mirditës, kanë qenë: “Tani që i pagova faturat e enrgjisë, tani që mundem që në mos bukë të kem pak dritë, tani që dhe sektori energjitik nisi të mëkëmbej financiarisht, le të iki nga botë!”
Sigurisht që ajo as nuk është shprehur e as nuk ka mundur të shprehej kështu, pasi i ftohti i këtij dimri e ka bërë të veten mbi plakën e gjorë.
Barbulla Pepa u bë personazh i ditës pak muaj më parë, pasi kësaj të moshuare 100-vjeçare që jetonte vetëm në një kasolle, shteti i kishte prerë dritat pasi nuk kishte paguar energjinë.
Të prekur nga fati i saj i trishtë dhe i pazakontë, ca njerëz të mirë e zemërbardhë të asaj ane, ia mundësun pagimin e energjisë që dhe ajo t’i gëzohej së paku të paturit drita.
Dhe kështu, doli një djalë nga Rubiku që ia pagoi të gjitha faturat e energjisë. Por nuk kaloi shumë dhe sot plaka e gjorë ka ndërruar jetë.
Kanë qenë fqinjët të cilët e kanë gjetur atë të vdekur brenda hapësirës ku jetonte, ose frymonte më mirë, si njeri pa njeri dhe mes një mjerimi migjenian.
Fqinjët dhe të afërm të saj tashmë kanë hapur dyert e mortit, ndërsa qytetarë të shumtë kanë shkuar për ngushëllime.
Por nuk dihet nëse kafen e hidhur të mortit, kanë shkuar ta rrufisin nën pshërrëtima keqardhjeje dhe inspektorët e OSHEE-së, të cilët e lanë pa drita në emër të ligjit dhe të bërit shtet, apo më saktë “Rilindjes”. /tesheshi.com/
