Një japonez që i mbijetoi bombës atomike në Nagasaki, në gusht të vitit 1945, ka vdekur nga kanceri në moshën 88-vjeçare.
Sumiteru Taniguchi ishte duke punuar si postier mëngjesin kur Shtetet e Bashkuara hodhën bombën.
Mbi 70,000 veta janë vrarë nga ky sulm.
Taniguchi është bërë aktivist i shquar kundër armëve bërthamore dhe për një kohë është parë si kandidat favorit për Çmimin Nobel për Paqe.
Ai ishte vetëm 16 vjeç kur ka rënë bomba atomike në Nagasaki dhe ka pësuar djegie të mëdha në shpinë dhe krahun e majtë.
Taniguchi po ecte me biçikletë rreth 1.8 kilometra larg epiqendrës së shpërthimit. /tesheshi.com/
