Ka ndërruar jetë në moshën 49-vjeçare, Verne Troyer, aktori i veçantë për shtatshkurtësinë e tij prej xhuxhi.
Lajmi i vdekjes është dhënë në faqen e tij të faceboook-ut.
“Është me trishtim të madh dhe me zemra të rënuara për të shkruar, lajmërojmë se Verne vdiq sot”, ishte shkruar nga familjarët.
Troyer, i cili ishte 80 cm i gjatë fitoi famë në filmat e spiunazhit të Mike Myers dhe Austin Powers si Mini-Me.
Por pati dhe shumë role të tjera ku veçohet ai Griphook te “Harry Potter”.
Troyer gjithashtu u shfaq në videoklipin e Madonnës në vitin 1999 te “Beautiful Stranger” dhe ishte personazh shfaqjesh në reality të ndryshme televizive.
Ai njihej si i varur nga alkoli dhe javë më parë ishte shtruar në spital për këtë arsye. /tesheshi.com/
