Ambasadori rus në Shtetet e Bashkuara, Anatoly Antonov, i ka kërkuar kryeredaktorit të New York Times të mohojë pretendimet në një artikull në lidhje me numrin e vdekjeve nga koronavirusi në Rusi, tha ambasada ruse.
Më parë, ambasada ruse në Londër i bëri thirrje dhe Financial Times të hedhë poshtë pretendimet nga artikulli i saj, i cili thotë se numri i vdekjeve nga COVID-19 në Rusi dyshohet se është shumë më i lartë se statistikat zyrtare.
Zëdhënësja e Ministrisë së Jashtme ruse Maria Zakharova, tha më herët se një mesazh i ngjashëm i ishte dërguar Përfaqësuesit të OSBE-së për Lirinë e Medias, Harlem Desir.
2,305 vdekje të raportuara
Financial Times dhe New York Times kanë botuar artikuj që pretendojnë se numri i vdekjeve nga koronavirusi në Rusi është 70 përqind më i lartë se shifrat zyrtare.
Por përfaqësuesja e Organizatës Botërore të Shëndetit (OBSH) në Rusi, Melita Vujnović, tha se nuk kishte asnjë provë që numri i vdekjeve në atë vend po zvogëlohej qëllimisht.
Deri më tani, në Rusi janë raportuar 252,245 raste të koronavirusit dhe 2,305 vdekjeve.
Statistikat ruse regjistrojnë vetëm ata vdesin direkt nga virusi, dhe jo nga sëmundje të tjera shoqëruese. /tesheshi.com/
