Ministria e Mbrojtjes ka reaguar ndaj një lajmi të qarkulluar në disa media, me burim Facebook-un e Berishës, prej të cilit është marrë copy-paste, pa asnjë verifikim, lajmi mbi vdekjen e aluduar të një prej badigardëve të kryeministrit Rama.
“MB hedh poshtë me neveri insinuatën e turpshme të publikuar sot në disa media për kinse humbje jete apo plagosje të truprojave të Kryeministrit gjatë provokimeve nga disa protestues të Partisë Demokratike në Librazhd, më datë 13.06.2019. Nuk ka pasur kurrfarë problemi për jetën dhe shëndetin e truprojave të Kryeministrit gjatë veprimtarisë së zhvilluar në Librazhd, apo në qarqet e tjera të vendit gjatë këtyre ditëve”, njofton Ministria e Mbrojtjes, si reagim ndaj asaj çfarë u shfaq në faqen e ish-liderit demokrat.
“Akuzohet narkopolicia se fsheh pasojat e renda te aksidentit te Edvinit ne Librazhd.
Thuhet se njeri nga badiguardet e tij ka ndrruar jete dhe tjetri eshte ne gjendje te rende”, shkruhet në Wall-in e Berishës, i njohur dhe si “qytetari dixhital”.
Por dikasteri i drejtuar nga Xhaçka, këshillohet media që mos iu referohet lajmeve të tilla.
“Ministria e Brendshme fton median e përgjegjshme dhe opinionin publik që të jenë shumë të kujdesshëm me insinuata të kësaj natyre haluçinante, të cilat kanë shpesh herë të njëjtin burim dezinformimi dhe që synojnë vetëm një gjë: krijimin e një klime pasigurie dhe paqartësie në vend”, përfundon deklarata.
Ndërkohë, ky është rasti për të thënë se një ndër badigardët e Ramës, Ilir Dojko, është autor librash mbi sportin dhe sapo ka nxjerrë një të fundit me titull “Sporti shqiptar 1900 – 1946”. /tesheshi.com/
