Pesë vajza muslimane nga Minesota u shuan ndërsa përgatiteshin për martesën e një shoqeje të tyre të nesërmen, kur një automjet me shpejtësi u përplas me makinën e tyre.
Viktimat po ktheheshin në shtëpi nga një qendër tregtare kur një fuoristradë u përplas me makinën me të cilën po udhëtonin. Të pesta të moshës nga 17 deri në 20 vjeçe u shuan menjëherë.
“Ata nuk bënë asgjë të keqe,” tha Khalid Omar, i cili drejton qendrën islame Dar Al-Farooq ku merrnin pjesë vajzat. “Ata po bëheshin gati për dasmën e shoqes së tyre”.
Tre nga vajzat thuhet se ishin kushërira. Një nga viktimat sapo kishte mbaruar shkollën e mesme, ndërsa katër të tjerat ishin në kolegj dhe të gjitha jetonin në Minesota.
Sipas policisë, drejtuesi i automjetit me shpejtësi sketerrë ka kaluar në semafor të kuq dhe më pas është përplasur me makinën e vajzave.
Përplasja ka qenë tejet e dhunshme.
WARNING: Disturbing video shows moment of impact from reckless driver speeding & running a red light before killing five people and fleeing the scene. Sources have identified the driver as Derrick John Thompson, the son of former DFL state Rep. John Thompson. pic.twitter.com/JVvNDwuaOV
— Liz Collin (@lizcollin) June 18, 2023
Drejtuesi, i cili raportohet të jetë 27-vjeçari Derek John Thompson, vetë u plagos në aksident. Ai u përpoq të ikte në këmbë por më vonë u kap.
Thompson është djali i ish-deputetit të shtetit John Thompson. Ai u dërgua në spital ku u testua për drogë dhe alkool.
Ai e rimori patentën vetëm disa muaj më parë, në mars 2023, pasi kishte disa dënime për drejtim të rrezikshëm. /tesheshi.com/
