Adam Johnson, 29 vjeç, u gjakos për vdekje pasi u godit në qafë nga një patinë akulli në një ndërhyrje të ngushtë nga kundërshtari i tij
Partnerja e lojtarit të hokejit Adam Johnson ishte dëshmitare okulare e vdekjes së tij tragjike kur patina e akullit të kundërshtarit të tij i preu fytin gjatë lojës. Vajza e cila ishte në mesin e shikuesve gjatë ndeshjes, i ka shkuar menjëherë në krah pas aksidentit të pamenduar.
Adam Johnson, 29 vjeç, u gjakos për vdekje pasi u godit në qafë nga patina e akullit në një ndërhyrje të ngushtë nga një kundërshtar gjatë lojës midis Nottingham Panthers dhe Sheffield Steelers në Utilita Arena Sheffield të shtunën mbrëma.
Menjëherë pas incidentit tragjik, shokët e skuadrës së Johnson formuan një rreth për privatësinë, ndërsa mijëra spektatorëve iu kërkua të largoheshin. Mjekët dhe stafi mjekësor nxituan te lojtari për t’i dhënë ndihmën e parë.
Partnerja e tij, e cila ndodhej në turmë gjatë ndeshjes, iu vërsul me shpejtësi pas aksidentit të tmerrshëm.
Dëshmitarët okularë pohuan se përplasja “e tmerrshme” mund të ndodhë “një në një milion” dhe “ndoshta nuk do të ndodhë më kurrë”.
Tifozët lanë lule, një bluzë me numrin e Johnson, qirinj dhe karta me mesazhe jashtë arenës në një shërbim përkujtimor për yllin e hokejit.
Në videon tronditëse që po bën xhiron e internetit, shihet sportisti që merr goditjen e ashpër, më pas bie përtokë dhe ngrihet. Një shok skuadre nxiton në anën e tij dhe e kap nga qafa në përpjekje për të ndaluar gjakderdhjen.
https://twitter.com/i/status/1718553026246427081
Lëndimi ishte aq i tmerrshëm sa ndeshja u ndërpre dhe spektatorët po qanin të tronditur.
Një dëshmitar okular i tha MailOnline se Johnson u përpoq të vazhdonte pas lëndimit të tij në qafë, por u rrëzua, duke shkaktuar skena paniku teksa lojtarët dhe mjekët nxituan për ta ndihmuar.
8,000 tifozë ishin dëshmitarë të përplasjes së tmerrshme dhe loja u pezullua. /tesheshi.com/
