Ka ndërruar jetë në moshën 102-vjeçare, Hoëard Kenton Potts, një nga të mbijetuarit e sulmit japonez në Pearl Harbor.
Ai ishte vetëm 20 vjeç në ditën e sulmit më 7 dhjetor 1941, i cili përfshiu SHBA-në në Luftën e Dytë Botërore dhe po shërbente si operator vinçi në luftanijen “Arizona”.
Sulmi dhe shpërthimi masiv që pasoi vrau 1,177 marinarë vetëm nga “Arizona”, rreth gjysma e viktimave amerikane atë ditë.
Potts u përpoq të shpëtonte të mbijetuarit në varkën e tij dhe t’i çonte në një ishull aty pranë. “Unë ende e shoh dhe e ndjej shumicën e kohës si një makth”, tha ai për atë ditë, duke shtuar se “gjithçka digjej, madje edhe uji” nga nafta e anijeve.
Brenda anijes së fundosur ka ende mbi 900 trupa.
Një tjetër marinar i “Arizona”-s është tashmë gjallë, në moshën 101-vjeçare.
Potts vdiq në shtëpinë e tij në Utah, raporton BBC. Dëshmia e një miku të familjes thotë se ai ka pasur qartësi mendore deri në fund. /tesheshi.com/
