Gati pabesueshëm, në moshën 44-vjeçare, Gerti Bogdani, ish-deputet demokrat, nisur karrierën politike si zëdhënës i Bashës kur ky i fundit ishte ministër Transporti, është ndarë nga jeta krejt papritmas, nga një atak kardiak. Ky çast fatal për të e gjëmë për familjen e tij, ndodhi teksa ai gjendej në ambientet e Hotel Rogner.
Ai po konsumonte një kafe kur vdekja e ka marrë për ta çuar në tjetër botë, aty ku destini i çdo njeriu, kthim te Zoti, për të marrë “notën e jetës” për aq sa jetoi.
Gerti Bogdani, nga një familje e njohur tiranase e Rrugës së Kavajës, ishte ndër prurjet e reja në PD këtu e pak vite të shkuara, duke drejtuar dhe Forumin Rinor Demokrat.
Ai ishte ndër të rinjtë e shkolluar në SHBA, por vitet e fundit me aktivitet të zbehur politik. Gjithsesi, ishte një figurë publike që ftohej herëpashere në studio debati, sipas rastit.
Dhe sot mendohet të jetë i fundit lajm me emrin e tij, që është vdekja e tij. /tesheshi.com/
