Ish-lideri i Cosa Nostra-s, Matteo Messina Denaro, ka ndërruar jetë në burgjet e qytetit të L’Aquila. Gjashtëdhjetë e dy vjeç, ai u arrestua janarin e kaluar në Palermo të Siçilisë, pas 30 vitesh në arrati dhe vuajtje nga kanceri i zorrës së trashë në një fazë të avancuar.
Pavarësisht lutjeve të prokurorëve për të bashkëpunuar me drejtësinë, ai refuzoi vazhdimisht të zbulonte sekretet e tij. Nën “udhëheqjen” e tij, mafia italiane siguroi një fuqi të madhe financiare. Ai nuk ngurroi të urdhëronte vrasjen e fëmijëve të vegjël, për të “dënuar” mafiozët e penduar që kishin vendosur të mbështesnin kauzën e drejtësisë.
Për të paktën tre dekada, Messina Denaro – fillimisht së bashku me Bernardo Provenzanon – kishte kontroll absolut mbi tregtinë e drogës të Cosa Nostra-s, në bashkëpunim me “mafiat” e Amerikës Latine, por edhe me Drangheta-n, mafian kalabreze.
Ndër të tjera, ai urdhëroi vrasjen e dy prokurorëve – simbole të luftës kundër mafies – Giovanni Falcone dhe Paolo Borcellino, ndaj të të cilëve u organizuan atentate në Siçili në vitin 1992. /tesheshi.com/
