Siç ndodh rëndom në Shqipëri, sa herë ndodh ndonjë ngjarje e rëndë, shteti atëherë kujtohet të marrë masa.
Kështu, ditë pasi një turisti rus humbi jetën në bregdetin himariot pasi u godit nga një motor uji, Policia Kufitare ka zhvilluar një operacion të gjerë për bllokimin e mjeteve të lundrimit pa dokumentacion e që shkelin perimetrin e sigurisë në plazhe, duke rrezikuar jetën e pushuesve.
Vetëm ditën e sotme janë bllokuar 7 mjete lundrimi, bëhet me dije nga kjo instancë. Por dhe më parë sipas saj, që nga fillimi i sezonit, janë bllokuar 13 mjete lundruese, nga të cilat 1 skaf, 2 gomone dhe 10 motorrë uji.
E megjithatë, rastet tragjike nuk u evituan dot, siç qe ai i turistit rus. /tesheshi.com/
