Kryeministri britanik Boris Johnson të hënën u bëri thirrje SHBA të hiqnin imunitetin diplomatik ndaj gruas së një diplomati amerikan, i cili ishte përfshirë në një aksident automobilistik vdekjeprurës në Mbretërinë e Bashkuar.
“Unë nuk mendoj se është e drejtë të përdorësh imunitet diplomatik për këto qëllime”, tha Johnson.
Ai shtoi se ishte gati ta “ngrejë çështjen personalisht në Shtëpinë e Bardhë” për të siguruar që gruaja, e cila shkoi në SHBA pa gjyq, të kthehej në Britani të Madhe.
Harry Dunn, 19 vjeç, u vra pasi motori me të cilin udhëtontë u përplas nga një makinë që drejtohet nga Anne Sacoolas, 42 vjeçe, bashkëshortja e një diplomati amerikan në Londër. Ngjarja ndodi pranë bazës ajrore në Northamptonshire, në Anglinë qendrore, më 27 gusht.
Policia lokale ka konfirmuar se ajo, e dyshuar për fajtore, është larguar nga vendi, megjithëse ka thënë se nuk kishte në plan të largohej nga Britania në të ardhmen e afërt. Dhe kthimin në SHBA e ka bërë pikërisht për të fituar imunitet diplomatik ndaj gjykimit.
“Të gjitha çështjet që lidhen me heqjen e imunitetit të diplomatëve tanë dhe familjeve të tyre në një rast të tillë konsiderohen me shumë kujdes dhe në një nivel të lartë”, tha një zëdhënës i ambasadës.
Dhe Johnson, me kërkesën e tij, i është përgjigjur dhe një sensiteti publik, pasi rrjeti, ai i domonuar nga britanikët, po zien me hashtagin “JusticeFor Harry”. /tesheshi.com/
