Kreu i opozitës, Lulzim Basha, është treguar i ashpër në një mesazh të tij politik pas lajmit se një foshnje rome 3-vjeçare, ka ndërruar jetë nga të ftohtët gjatë natës.
Ai e ka lidhur këtë ngjarje me qeverisjen Rama, duke formuluar një akuzë të pazakontë karshi rivalit politik, deri në përdorimin e epitetit kërmë:
“Ka ardhur koha të varrosim kërmën e hajdutëve që i thotë vetes qeveri. Koha nuk pret. Melisa Mehmeti, një foshnjë 3-muajshe ka vdekur në gjumë prej të ftohtit sot në mëngjes në Shkozë të Tiranës. Nuk ka fjalë që mund të ngushëllojnë dhimbjen që shkakton ky lajm i kobshëm. Në harkun e pak ditëve dy foshnje dhe një grua vdiqën nga i ftohti. Asnjë reagim, asnjë ngushëllim, asnjë masë nga kokoshi i Surrelit e as nga kastraveci i Tiranës. Mosreagimi i tyre është vetëkallëzimi i kësaj qeverie kriminalisht të papërgjegjshme. Është epitafi i Rilindjes së Hajdutëve qe erdhi me premtime të mëdha por që vetëm vjedh, mashtron dhe nëpërkëmb qytetarët e këtij vendi”, është shprehur Basha në mesazhin e tij. /tesheshi.com/
