Nikolai Glushkov, një ish-menaxher në kompaninë ruse Aeroflot, dhe më pas një disident që u arratis në Britaninë e Madhe, me siguri u vra në apartamentin e tij në Londër.
Sipas gjetjeve të organeve hetimore, një person i panjohur mbolli prova se vdekja e Glushkov 68 vjeç të dukej si vetëvrasje, por shefi i shërbimit shtetëror të mjekësisë ligjore, mjeku ligjor Chinyere Inyama, pretendon se Glushkov u vra
Pasi akuzoi Kremlinin për përdorimin e Aeroflot për të zhvatur para, Glushkov u akuzua fillimisht dhe më pas u dënua në mars 2017 me tetë vjet burg për gjoja urdhërimin e linjës së tij ajrore për të transferuar 20 milion dollarë në llogaritë e tij bankare private në Zvicër.
Procedimet penale filluan në Rusi ndërsa Glushkov ishte një partner biznesi i oligarkut rus dhe defektorit në Britaninë e Madhe Boris Berezovsky, i cili u gjet i vdekur në rezidencën e tij pranë Londrës në 2014.
Glushkov pastaj shprehu dyshimin se Berezovsky u vra.
Policia britanike anti-terroriste hapi një hetim “si një masë paraprake për shkak të lidhjeve që burri kishte”, por nuk deklaroi identitetin e të ndjerit, ndërsa e përditshmja Guardian raportoi se ishte Nikolai Glushkov, “një rus i cili u dha azil politik në 2010 në Britaninë e Madhe”.
Vajza e Glushkovit të ndjerë, Natalia, e cila gjithashtu gjeti babanë e saj të vdekur në apartament, i tha gazetës ruse Kommersant se në trupin e tij u gjetën gjurmë të mbytjes. /tesheshi.com/
