Themeluesi i zinxhirit të famshëm të modës Mango, miliarderi Isak Andiç, ka vdekur tragjikisht të shtunën, më 14 dhjetor, në një aksident në ecje, konfirmoi policia.
Sipërmarrësi 71-vjeçar thuhet se ra nga një shkëmb 150 metra i lartë ndërsa po ecte me të afërmit në shpellat Monserrat, jo shumë larg Barcelonës.
Sipas informacioneve të raportuara nga gazeta spanjolle El País, familja kontaktoi shërbimin e urgjencës rreth orës 12:30 me orën lokale. Menjëherë në vendin e aksidentit kanë mbërritur një helikopter dhe një ambulancë, por fatkeqësisht kanë mundur të konfirmojnë vetëm vdekjen e tij.
Isak Andiç, i lindur në Stamboll, u shpërngul në Spanjë në vitet 60 të shekullit të kaluar. Ai themeloi Mango në 1984 dhe nën udhëheqjen e tij marka u zhvillua në një nga zinxhirët më të mëdhenj të modës në botë, i pranishëm në më shumë se 120 tregje.
Sipas revistës Forbes, pasuria e Andiç ishte 4.5 miliardë dollarë. Në kohën e vdekjes së tij, ai mbante postin e presidentit joekzekutiv të kompanisë.
Në vitin 2023, Mango arriti të ardhura prej 3.1 miliardë eurosh, me 33% të biznesit të saj duke u bërë online. Kompania vazhdoi të zgjeronte biznesin e saj dhe falë vizionit të Andiç, ajo u bë sinonim i modës moderne të disponueshme në mbarë botën. /tesheshi.com/
