Presidenti amerikan Donald Trump ka thënë se nuk është i kënaqur me autoritetet saudite për vdekjen e gazetarit Jamal Khashoggi, por në të njëjtën kohë paralajmëroi se pezullimi i shitjes së armëve në Arabinë Sauditë, nuk është në favor të SHBA.
Autoritetet saudite pranuan të shtunën se Khashoggi kishte “humbur jetën” më 2 tetor në ndërtesën e konsullatës saudite në Stamboll, pa specifikuar se ku është trupi i tij.
Autoritetet e Riadit kanë thënë se gazetari ndërroi jetë gjatë një përleshjeje fizike me anëtarë stafi, ndërsa mediat turke më herët raportuan se ai ishte torturuar para vdekjes se të ekzekutohet.
Trump e ka vlerësuar versionin e autoriteteve saudite si “jo shumë të rëndësishme”, pavarësisht skepticizmit të madh të republikanëve në Kongres.
Disa prej tyre po kërkojnë të bllokojnë shitjen e armëve.
“Ishte një hap i madh i parë dhe një hap i mirë, por unë dua të marr më shumë përgjigje”, ka thënë Trump, duke shtuar se pezullimi i dërgesat e armëve në Arabinë Saudite nuk do të jetë e mirë për Shtetet e Bashkuara.
Sipas tij, pezullimi i furnizimeve me armatim do të rrezikonte vendet e punës në Shtetet e Bashkuara. Trump tha se Riadi do të marrë110 miliard dollar armatime, që nga Trump konsiderohet si fat i madh për buxhetin e Pentagonit. /tesheshi.com/
