E gjithë bota u njoh mbrëmjen e djeshme ne vdekjen e ish liderit kuban, Fidel Kastros në moshën 90-vjeçare. Të shumtë kanë qenë ata që ngushëlluan vëllanë e tij, Raul Kastron për këtë humbje, por nuk munguan as ata si Donald Trump, i cili e quajti “diktator të keq”, ish liderin.
Nga ana tjetër, presidenti rus Vladimir Putin i dërgoi një telegram Raul Kastros, në të cilin shkruhej ndër të tjera: “Kuba e lirë dhe e pavarur që ai (Fidel Kastro) dhe aleatët e tij ndërtuan, u bë një anëtare me ndikim në komunitetin ndërkombëtar si dhe një shembull frymëzues për mjaft vende e shtet. Fidel Kastro ishte një mik i sinqertë i Rusisë”.
Salvador Sanchez Ceren, presidenti i El Salvador tha se ndjen “keqardhje të thellë për mikun dhe shokun e tij të mirë, Fidel Kastro Ruz”.
Presidenti i Meksikës, Enrique Pena Nieto në një mesazh në Twitter shkruante se “Fidel Kastro ishte një mik i Meksikës dhe promovonte marrëdhëniet bilaterale bazuar në respektin, dialogun dhe solidaritetin”.
“Fidel Kastro ishte një nga personalitetet më ikonike të shekullit XX. India ka humbur një mik të madh”, – shkruan kryeministri indian Nerendra Modi në Twitter.
Në një deklaratë të bërë këtë të shtunë, Obama shprehet se “vlerëson miqësinë me kubanët. Njerëzit e Kubës duhet ta dinë se gjejnë një mik dhe partner tek Shtetet e Bashkuara të Amerikës”. Ai shtoi se figurën e Kastros si lider botëror do ta vlerësojë historia.
Presidenti kinez Xi Jinping u shpreh se “Kastro dhe kontribute historike të pavdekshme në zhvillimin e socializmit në botë”.
“Me vdekjen e tij, populli kinez humbi një mik të sinqertë. Imazhi i tij madhështor dhe arritjet e mëdha do tëkujtohen përjetë në histori”, – shkruan Xi në një telegram dërguar Raul Kastros.
Kryeministri i Greqisë, Alexis Tsipras shkroi në Twitter “Lamtumirë komandant. ..deri në fitoren e përjetshme të njerëzve”./tesheshi.com/
