Një element i ri që sapo u shfaq në videoincizimin nga kamerat e një këndi shtëpie, ku me makinë janë shkelur tashmë i ndjeri 4-vjeçar nga Kumanova, Almiri me prindërit e tij.
Në këtë videoincizim të tmerrshëm, të cilin, tesheshi.com nuk pranoi ta publikojë për arsye etike në informim, shihet qartë se maqedonasi i cili drejtonte makinën, përnjëherë dhe me paramendim ka ndëruar kahjen dhe me shpejtësi të madhe ka përplasur për murri tërë familjen shqiptare.
Mirëpo ajo që bie në sy si element i ri është se vrasësi oridiner i fëmijës, maqedonasi Boban Iliqiq gjatë kryerjes së këtij akti penal nuk ka qenë i vetëm në makinë por ka qenë i shoqëruar edhe me dy persona tjerë.
Kështu në bazë të Kodit penal të Maqedonisë kjo vepër penale duhet cilësuar si bashkëpunim i personave për kryerjen e veprës penale.
Poashtu duke i’u referuar Kodit Penal si bashkëpunëtor për kryerjen e veprës penale llogariten: organizatorët, ekzekutorët, shtytësit dhe ndihmësit.
Në këtë rast bashkëkryerësit e veprës penale (shokët e Bobanit në veturë) sipas Kodit Penal hynë në kategorinë e ndihmësit.
Pra ndihmës quhen personat që me këshilla, udhëzime, dhënie mjetesh, largim të pengesave, dhënie të premtimit për fshehjen e bashkëpunëtorëve, të gjurmëve apo të sendeve që rrjedhin nga vepra penale, dhe që ndihmojnë kryerësin e saj.
Dhe kur jemi te përgjegjësia penale, organizatorët, shtytësit dhe ndihmësit kanë përgjegjësi si edhe ekzekutorët për veprën penale të kryer prej tyre, ndërsa për momentin Gjykata Penale në Maqedoni ka caktuar paraburgim prej 30 ditësh vetëm për kryerësin direkt të veprës penale, derisa të tjerët i ka lënë të lirë.
Ndryshe njoftojmë se sot në ora 15:00 shqiptarët kanë paralajmëruar protesta masive për vrasjen makabre të Almirit 4-vjeçar në Kumanovë. Ata do të kërkojnë drejtësi dhe dënim merritor për vrasësi(n)t. /tesheshi.com/
