Ajo që më së shumti po i irriton këto orë të turbullta shqiptarët e Maqedonisë, si pasojë e vdekjes së një vogëlushi 4-vjeçar pas sulmit të një maqedonasi, ngjarje e ndodhur ditë më parë në Kumanovë, është heshtja e pothuajse gjithë mediave në gjuhën meqedonase, e partive të tyre politike, si dhe e shoqërisë civile.
Ngjarja e rëndë e cila është top-lajm në Maqedoni, pothuajse nuk ka gjetur asnjë hapësirë tek mediat e maqedonasve, as si raportim i ftohtë, e jo më që akti të dënohet.
Vrasësi ka marrë masën e sigurisë me 30 ditë ndalim, ndërsa gjykimi që do të nisë ndaj tij, pritet të jetë testi i radhës i pushtetit maqedonas për sjelljen karshi shqiptarëve.
Ndërkohë, ka zëra nga shoqëria shqiptare në Maqedoni, të cilët janë përbetuar se do derdhen nëpër rrugë nëse vrasësi nuk dënohet maksimalisht. /tesheshi.com/
