Vdekja e dhimbshme 3-vjeçares Xheneta Gashi nga Prizreni, si pasojë e shembjes së murit të një shtëpie të vjetër në qendrën historike të Prizrenit ka bërë që të reagojnë sot deputetët kosovarë.
E para që ka ngritur zërin ka qenë deputetja e PDK-së Blerta Deliu-Kodra, parti kjo që udhëheq Prizrenin me kryetarin Ramadan Muja.
Ligjvënësja Deliu tha sot para deputetëve se është shumë e dhimbshme vdekja e trevjeçares Xheneta Gashi, si pasojë e shembjes së murit të vjetër.
Ajo tha se ky rast nuk guxon assesi të politizohet, por kërkoi nga organet e drejtësisë që ta trajtojë me prioritet.
“Duhet të merren masa që rastet të ngjashme të mos përsëriten më”, tha ajo.
Ndërsa, deputeti i Vetëvendosje-s Mytaher Haskuka ka folur për këtë rast duke akuzuar për aksidentin kryetarin e komunës së Prizrenit dhe zyrtarë të tjerë të rendnit. Haskuka ka thënës se fajdeja është bërë biznes në Prizren dhe për këtë ai ka akuzuar jo vetëm komunën.
Ndryshe, dje në Prizren u mbajt një protestë ku u kërkua përgjegjësi penale dhe dorëheqja e pushtetarëve lokalë. /tesheshi.com/
