Rreth 3 javë pas vdekjes së 18-vjeçarit Kristi Panajoti, i cili humbi jetën në një aksident në Lungomaren e Vlorës, familjarët e tij kanë zhvilluar sot një protestë paqësore.
Marshimi zgjati nga skela drejt bashkisë së qytetit bregdetar, përmes të cilit kanë përcjellë edhe disa mesazhe për autoritetet vendore dhe ato qëndrore.
Gjatë marshimit, familjarët e Kristit mbanin më duar fotografi të të ndjerit Panajoti, si dhe pankarta me mbishkrimin “Na siguroni vetëm jetën”, apo “Stop shkeljes me këmbë nga shteti”.
Kristi Panajoti humbi jetën më 26 nëntor të këtij viti, pasi automjeti me të cilin udhëtonte bashkë me kushuririn e tij përfundoi në një gropë të hapur, për punimet e Lungomarës. Adoleshenti tjetër i mbijetoi aksidentit, por aktualisht po kurohet intensivisht./tesheshi.com/
