Rritet misteri i vdekjes së turistes ruse 15-vjeçares Kseniya Ryok, e cila sipas ekspertizës së parë mjeko-ligjore humbi jetën nga prerja e helikës së një motoskavi në ishujt e Ksamilit.
Sot ka dalë në gjykatë personi i akuzuar për vrasjen e ruses, Ermal Fataj, në skafin e të cilit janë gjetur edhe mbetje flokësh që dyshohet se janë të 15-vjeçares së ndjerë.
Prokuroria ka këruar 45 ditë burg për Fatajn, por
ky i fundit ka mohuar gjithçka.
“Është e vërtetë që në atë orë kam lëvizur në zonën e tre ishujve, por nuk e kam goditur unë vajzën ruse. Nëse do të isha unë, minimalisht do t’i jepja ndihmën e parë dhe do e kisha nxjerrë në breg dhe jo ta braktisja në det”, është shprehur Fataj.
Në një njoftim të shpërndarë për mediat, Pokuroria bën me dije se nga hetimet e deritanishme rezulton se mesditen e së premtes, 15-vjeçarja ruse dhe nëna e saj, kanë hyrë për t’u larë në zonën e ishujve të Ksamilit.
Vajza është larguar me not nga mamaja e saj dhe i ka humbur nga shikimi.
Pak minuta më vonë, është konstatuar se vajza pluskonte e pajetë në ujë. Ky fakt është konstatuar nga disa turistë të tjere, të cilët kanë njoftuar policinë dhe më pas, në vendngjarje është afruar me not edhe nëna e vajzës.
Pas kryerjes se autopsise, rezultoi se viktima kishte disa gërvishtje të thella në pjesën e kokës, si edhe në pjesën anësore te trupit, të cilat i kanë shkaktuar vdekjen.
Grupi hetimor, i drejtuar nga Prokuroria e Sarandës, ka krijuar dyshimet se vajza mund të jetë goditur nga nje mjet lundrues që lëviz në atë zonë.
Ndërkohë, gomonia plastike me motor 90 kuaj fuqi, në pronësi të 31-vjeçarit Ermal Fataj është sekuestruar për llogari të hetimeve që kanë nisur nga policia dhe prokuroria shqiptare.
Polici gjyqësor i Policisë së Sarandës dhe ai i Prokurorisë, kanë grumbulluar material në helikën e mjetit lundrues, ku thuhet se janë flokë. Por ende nuk është bërë analiza e AND-së dhe gjithçka që po diskutohet tani është në nivelin e hipotezës.
Burime pranë Ministrisë së Brendshme bëjnë me dije se ambasada ruse në Tiranë ka qenë mjaft e shqetësuar dhe ka kërkuar nga autoritetet shqiptare që të ketë një hetim të qartë dhe të plotë për fajtorin e vrasjes së turistes ruse.
Vetë kryeministri Edi Rama, ka kërkuar nga policia që të mblidhen të gjitha provat mennjëherë dhe të dalë përfundimi i saktë i arsyes së vdekjes së 15-vjeçares nga Shën Petërsburgu.
Duket se është një mallkim i turistëve rusë në Shqipëri, megjithëse viktima turistësh ndodhin kudo.
Një vit më parë, një turist rus u vra sërish nga një skaf që po kalonte me shpejtësi në plazhin e Himarës.
Por pas disa kohësh pronari i skafit u lirua sërish. /tesheshi.com/
