Në valën e ftohtë polare që përfshiu Shtetet e Bashkuara javën e kaluar, video e marrë nga observatori në malin Uashington në New Hampshire tregoi sesi erërat jashtëzakonisht të ftohta dhe të forta bënë që i ftohti të bjerë në një minus të pabesueshëm: 78 gradë Celsius.
Edhe pse është një zonë ku kushtet e motit janë shpesh ekstreme, kurrë më parë nuk është matur një temperaturë kaq e ulët në historinë e Shteteve të Bashkuara. Skena e ngrirë e kapur nga maja e malit Uashington ishte edhe pak më e ftohtë se temperatura mesatare në Mars këtë javë, duke e bërë atë të duket si pamje nga një planet tjetër.
Mediat në SHBA komentuan në atë kohë se temperatura ishte më e keqe se në Siberi.
Temperaturat në qytetin më të ftohtë në botë, Yakutsk – i cili është kryeqyteti i Yakutias, një republikë ruse në Siberinë verilindore – këtë javë ranë deri në minus 62.7 gradë. Temperaturat në Yakutsk janë aq të ulëta sa është e vështirë të besohet se dikush jeton atje vullnetarisht, dhe tani ato kanë rënë edhe më poshtë se mesatarja. Aty motorët nuk fiken, peliçet rrallëherë hiqen dhe autobusi pret në mëngjes në -40 ose -50 gradë.
Në qytetin që ndodhet rreth 450 kilometra në jug të Rrethit Arktik, toka është e ftohtë edhe në verë, kur temperaturat mund të arrijnë mbi 25 gradë. Ajri dhe era e thatë mund të bëjnë të duket sikur jeni në shkretëtirë, por toka nuk shkrihet kurrë. Janari është muaji më i ftohtë në qytet dhe, megjithëse shumica janë mësuar me temperaturat e ftohta, banorët po marrin një sërë masash shtesë për t’u ngrohur dhe për t’u mbrojtur nga të ftohtit ekstrem. Dihet gjithashtu se kanë jo vetëm një, por shpeshherë edhe tre dyer dalje nga godina, si dhe qilima në shkallët e jashtme sepse dyshemetë janë të ngrira.
Забег в -52 градуса. В Якутии стартовал экстремальный марафон «Полюс холода – Оймякон»
На прохождение дистанции марафона выделено шесть часов. Спортсмены финишируют в селе Томтор. Температура в Оймяконе сейчас минус 52 градуса ниже ноля.
Видео: @yk24ru pic.twitter.com/vJZkcjapQD
— Yakutsk News (@yakutsk__news) February 11, 2023
Qyteti me mbi 300 mijë banorë mbulohet nga “mjegulla e akullit” në dimër. Kjo ndodh kur ajri është aq i ftohtë sa ajri i nxehtë nga shtëpitë, njerëzit dhe makinat nuk mund të ngrihet. Prandaj, nuk është aspak ide e mirë të ecni në rrugë në dimër kur temperatura bie nën -40 gradë.
Rrallëherë dikush qëndron në rrugë më shumë se dhjetë apo pesëmbëdhjetë minuta. Nëse u duhet të ecin më gjatë se kaq, njerëzit i drejtohen një banke ose një dyqani për t’u ngrohur dhe për të vazhduar. Megjithatë, ka edhe nga ata që vrapojnë një maratonë ekstreme në një temperaturë më të ulët se 50 gradë, siç raporton një portal lokal.
“Vetëm vishuni ngrohtë. Shtresa, si lakra”, i këshillon shitësi i peshkut të ardhurit, duke u shpjeguar se si edhe qerpikët ngrijnë nga ky të ftohtë.
Shumë banorë punojnë në minierat e arit dhe diamantit aty pranë, dhe qyteti ka një skenë shumë të gjallë të punk-ut dhe teatrit. Ushqimi më popullor është mishi i thatë, dhe vendasit shpesh shërbejnë një pjatë të quajtur indigirka – e bërë nga peshku i marinuar.
“Pas pak ndiheni sikur po ecni nëpër zjarr”, thanë aventurierët që erdhën për të vizituar qytetin më të ftohtë në botë, duke përshkruar se si u ndjenë shpejt të lodhur dhe u ndjenë sikur trupi i tyre po shpohej nga hala.
Jakutsk është gjithashtu ndër qytetet ruse ku banorët kanë demonstruar vazhdimisht kundër mobilizimit të Putinit, edhe në një temperaturë kaq të ulët. /tesheshi.com/
