LSI nuk rresht këto ditë të sulmojë fort Edi Ramën që nga largimi i Adriatik Llallës nga posti i Kryeprokurorit.
Pas seancës së çizmeve dhe demonstrimeve në Rinas, sot LSI ka dalë zyrtarisht në një linjë me presidentin Ilir Meta, kundër qeverisë për votën në OKB për Jerusalemin.
Ish-ministrja e Integrimit, Klajda Gjosha, ka dalë në një konferencë për shtyp, u deklaroi se “vota në OKB është në mënyrë demostrative një votë kundër aleatit të Shqipërisë dhe shqiptarëve një votë kundër SHBA. Shqipëria dhe shqiptarët nuk kanë votuar kundër SHBA, është vetëm qeveria që mbart sot këtë votë të rëndë mbi supe dhe këtu është ndarë njëherë e përgjithmonë qëndrimi qytetar me qeverinë.
Vota e qeverisë kundër SHBA ka shënuar edhe një votë kundër Kosovës. Në një vendim kaq të rëndësishëm nuk ka pasur konsultim as në Kuvendin dhe as me Presidentin. Kjo votë duhet të ishte unifikuar dhe të përfaqësonte popullin shqiptar”.
/tesheshi.com/.
