Dyshja Patozi – Ruli kanë akuzuar sërish kreun demokrat Basha si njeriun që e ka çuar në krizë PD-në.
“Basha është përgjegjësi që PD gjendet në këtë katandisje sot. Një njeri që ka bërë çarjen, e ka të vështirë për të bërë bashkimin. Sot PD ka krizë politike dhe jo burokratike. Basha kërkon ta bunkerizojë akoma edhe më shumë partinë dhe do të shkojë në një kongres të parakohshëm”, tha Patozi duke shtuar njëherësh se Berisha nuk mban asnjë përgjegjësi karshi stilit se si po drejtohet partia nga Basha.
Më i ashpër ka qenë Ruli. “PD në vend të bashkohet është sfilitur. Është një PD shumë më vogël seç ka qenë dikur, edhe pse është parti e dytë, nuk ndikon fare në procesin politik sot”, tha ish-ministri demokrat. /tesheshi.com/
