Brukseli, kryeqyteti belg, është futur në ditën e dytë të gjendjes së jashtëzakonshme, pasi është lajmëruar për një kërcënim serioz dhe të afërt për sulme si ato të Parisit.
Një gjendje thuajse apokaliptike mbretëron në qytet: dyqane të mbyllura, sistemit të metrosë i është vënë kyçi, dhe njerëzit janë nxitur të qëndrojnë në banesa.
Përballë një kërcënimi për sulme, kryeministri i vendit, Charles Michel, e çoi të shtunën alarmin në nivelin më të lartë që njeh vendi. “Po flasim për një kërcënim të një numri individësh me armë dhe lëndë shpërthyese për të kryer akte dhune, mbase në një seri vendesh në të njëjtën kohë,” u tha ai dje reporterëve.
Rrjedhojat e alarmit u panë në mbrëmjen e së shtunës, kur u mbyllën thuajse të tëra lokalet. Ndërsa vendimi për rinisjen nga puna të metrosë do të merret pasditen e sotme.
Banorëve u është kërkuar të shmangin zonat e mbipopulluara, si dhe janë vënë në dispozicion linja telefonike për të lajmëruar çdo aktivitet të dyshimtë.
Rrugët e Brukselit edhe pse jo të boshatisura, nuk e kanë dendurinë e zakonshme, teksa shihen forca të sigurisë të armatosura rëndë.
Niveli më i lartë i alarmit është në Bruksel, me pjesën tjetër të vendit disi më të shtendosur. /tesheshi.com/
