Një gjykatë në Mianmar, e drejtuar nga një junta ushtarake, e shpalli fajtore për korrupsion ish-presidenten e rrëzuar të shtetit Aung San Suu Kyi dhe e dënoi me pesë vjet burg.
Ky rast është i pari nga 11 akuzat për korrupsion ndaj saj, e cila është edhe fituese e Çmimit Nobel për Paqe, dhe secila prej tyre dënohet me një dënim maksimal prej 15 vitesh burgim, tha një burim që nuk pranoi të përmendet, pasi këto gjykime po zhvillohen pa praninë e publikut.
Suu Kyi, e cila udhëhoqi Mianmarin për pesë vjet përpara se të rrëzohej në një grusht shteti në fillim të vitit 2021, është akuzuar për të paktën 18 krime, të dënueshme me një maksimum prej afro 190 vjet burg nëse shpallet fajtore.
Në raste të tjera, ajo tashmë është dënuar me gjashtë vite burg.
Komuniteti ndërkombëtar i përshkroi gjyqet si një farsë dhe bëri thirrje për lirimin e menjëhershëm të saj.
Kujtojmë se pak vite më parë, para se të rrëzohet nga ushtria e saj, Suu Kyi u vu nën shënjestër të irritimin mbarëbotëror për shkak të krimeve ndaj popullsisë muslimane Rohinja. Ishte një fshatë genocidale e ushtrisë, asaj që tashmë po e godet atë vetë, e që kjo e mbështeteste, ose më e pakta, heshtte ndaj asaj që ndodhte. /tesheshi.com/
