Dy futbollistët e Dinamo Dresden që luajnë në Bundesligën e 2-të kanë rezultuar pozitivë me koronavirusin (COVID-19).
Klubi gjerman tha se për herë të tretë është bërë testimi i lojtarëve, stafit profesional dhe punonjësve të klubit, gjë që tregoi se të dy lojtarët ishin pozitivë.
Lojtarët nuk kishin simptoma, dhe pas këtij rasti, e gjithë skuadra do të duhet të qëndrojë në karantinë në shtëpi për 14 ditë. Ndeshja që Dinamo Dresden ishte planifikuar të luante më 17 maj kundër Hannover 96, u shty menjëherë.
Ende nuk është e sigurt nëse “çështja e Dresden” do të ndikojë në vazhdimin e kampionatit, pasi Liga e Futbollit gjerman (DFL) më 7 maj vendosi që Bundesliga 1 dhe 2, e cila u pezullua në mes të marsit për shkak të shfaqjes së virusit koronar, do të vazhdojë më 16 maj, por para shkallëve të zbrazëta. /tesheshi.com/
