Vatikani, qëndrim për lotët e pretenduara në këtë statujë gruaje

Vatikani ka publikuar udhëzime të reja duke rekomanduar kujdes ndaj dukurive të supozuara të mbinatyrshme që kanë emocionuar besimtarët për shekuj, si statujat e Zojës që derdhin lot apo kryqëzime që rrjedhin gjak.

Papa Françesku është skeptik ndaj fenomeneve të tilla dhe i tha RAI-t vitin e kaluar se shfaqjet e Zojës “nuk janë gjithmonë reale”.

Dukuritë e rrëfyera nga besimtarët, si shfaqja e “stigmave” apo plagëve të kryqëzimit të Jezusit në duart dhe këmbët e shenjtorëve, shpesh u bënë baza e faltoreve dhe pelegrinazheve.

Në një dokument që zëvendëson rregullat e vitit 1978, Dikasteri i Vatikanit për Doktrinën e Besimit (DDF) tha se molepsje të tilla duhet të vlerësohen me shumë kujdes, pasi ato mund të jenë të rreme dhe të përdoren për përfitime financiare ose për krijimin e kulteve personale.

Manipulime të mundshme

“Manipulime, dëmtime të unitetit të Kishës, përfitime të pajustifikuara financiare dhe gabime të rënda doktrinore janë të mundshme, të cilat mund të shkaktojnë skandale dhe minojnë besueshmërinë e Kishës”, tha DDF.

Dikasteri thekson se, si rregull, në raste të tilla, peshkopët duhet të lëshojnë një “nihil obstat”, i cili në praktikë është një dritë jeshile për besimtarët për të vizituar vende të tilla dhe për të adhuruar atje, por lë të hapur pyetjen nëse Vatikani mundet zyrtarisht ta njeh këtë fenomen si “të mbinatyrshëm”.

Njohje të tilla janë jashtëzakonisht të rralla në praktikë.

Shumë vende pelegrinazhi janë të lidhura me ngjarje të supozuara mbinatyrore që nuk janë konfirmuar nga Vatikani.

DDF njoftoi se peshkopët mund të nxjerrin gjithashtu pesë vendime të tjera, duke përfshirë hedhjen poshtë të ngjarjes si të mbinatyrshme ose vendosjen e ndalimeve ose kufizimeve për nderimin e fenomeneve të diskutueshme ose të rreme.

Para se të shpallin vendimet e tyre, peshkopët duhet të kërkojnë gjithmonë miratimin nga Vatikani. Papa dhe Dikasteri për Doktrinën e Besimit kanë të drejtë të ndërhyjnë drejtpërdrejt duke anashkaluar autoritetet e kishës lokale.

Përhapja e fenomeneve të supozuara fetare, disa prej të cilave ishin qartësisht të rreme, ishte një nga arsyet e përçarjes në krishterim dhe shfaqjes së protestantizmit në Evropë në shekullin e 16-të. /tesheshi.com/