Po ngrihen pyetje për gjendjen shëndetësore të Primatit të Kishës Katolike Romake. Papa Françesku nuk ka rënë fare në kontakt me besimtarët, shkruajnë mediat ndërkombëtare, duke cituar njoftimin e Vatikanit.
Megjithatë, nuk janë dhënë detaje të tjera për gjendjen e 86-vjeçarit.
Ai është i sëmurë, njoftoi veçanërisht Vatikani, dhe për këtë arsye “do të anulojë domosdoshmërisht të gjithë programin e tij për ditët e ardhshme”.
“Për shkak të etheve, Papa Françesku nuk mori pjesë në meshë dhe nuk ra në kontakt me besimtarët”, tha gjithashtu zëdhënësi i Vatikanit Matteo Bruni.
Kujtohet se Papa Françesku u shtrua në spital për disa ditë për shkak të bronkitit marsin e kaluar dhe u trajtua me antibiotikë për t’u kthyer në detyrat e tij dhe për të marrë pjesë në shërbesat katolike të Pashkëve.
U komentua gjithashtu dalja e papës të enjten. Ai u shfaq i rraskapitur në një takim me studentë pranë Vatikanit.
Françesku, i cili u bë Papë dhjetë vjet më parë, ka humbur një pjesë të njërës prej mushkërive. Atij iu hoq kur ishte ende i ri dhe jetonte në vendlindjen e tij, Argjentinë. /tesheshi.com/
