Për disa kardinalë të Vatikanit, të tregëtosh apo të hash McDonald’s në sheshin e “Shën Pjetrit” është diçka përverse dhe që shfaq mungesë respekti ndaj tyre.
Për këtë arsye ata kanë shprehur kundërshtim ndaj një projekti të restoranteve McDonald’s pranë sheshit historik që përfaqson një simbol të rëndësishëm të botës katolike.
“Është një vendim pervers dhe kontrovers per të gjithë murgjit. Hapja e këtij biznesi nga gjiganti amerikan i ushqimit të shpejtë mu në të djathtë të bazilikës së Vatikanit, shfaq mungesë të theksuar respekti”, tha kardinali Elio Sgreçia për La Repubblica-n.
Por nga ana tjetër, kardinali Domenico Calcagno, kreu i ASPA-s, përgjegjëse për drejtimin e pasurive të patundshme të Vatikanit e cila ka vendosur të japë me qera disa godina për rrjetin McDonald’s, tha se nuk ka asgjë për skandal në këtë mes. “Nuk e konsideroj këtë çështje si skandal”, tha Calcagno, sipas së cilit marrëveshja e arritur është në përputhje të plotë ligjore.
Ndërsa kardinali i zemëruar, Elio Sgreçia, nuk jeton në ndërtesën ku pritet të vendoset restoranti, por tha se shprehej kundër në emër të shtatë prelatëve që jetojnë aty. /tesheshi.com/
