“Eurokomisari Johanes Han është tendencioz dhe mban anën e kryeministrit Gruevski”. Këtë akuzë të rëndë e ka adresuar gazetari Vasko Popetreski i cili në një prononcim për televizioni “24 Vesti”, tha se eurokomisari Johanes Han qëndron pas një kompanie e cila i kontrollon kazinot në Maqedoni dhe e bënë atë të lidhur ngushtë me pushtetin aktual.
Gazetari në fjalë është i bindur në saktësinë e informacionit të cilin e posedon, sepse siç thotë, e ka nga një ambasador i një shteti të fuqishëm anëtar i Bashkimit Evropian.
Afera lidhet me kompaninë austriake “Novomatik” e cila vepron në Maqedoni ndërsa në pronësi të saj janë kazinotë “Flamingo Hotel”, “Admiral”, dhe “Astra”.
“Se Han nuk është neutral aq sa duhet nuk është vetëm një spekulim mediatik, sepse gjatë bisedave që kam patur me një diplomat në Shkup nga një shtet të fuqishëm të BE-së, u parashtrua çështja e “neutralitetit” të tij, saktësisht për biznes-interesat me kompaninë “Novomatik” tha Popetreski sipas të cilit kur një diplomat parashtron çështje të tilla na bën që ne t`i kërkojmë gjurmët e kësaj dileme. /tesheshi.com/
