Vasilika Hysi, ish-kryetare e Komitetit të Helsinkit, shpalli daljen nga politika aktive, pas 8 vitesh aktivizimin në PS edhe si deputete. Ajo tha se përvoja në 8 vite, sidomos në Reformën në Drejtësi, kishte qenë një shkollë e dytë për të.
“Ishte kënaqësi që siç hyra në politikë, sot bëj këtë dalje për të thënë që në këto 12 vite, mundëm të bëjmë realitet një ëndërr që e kemi patur të gjithë bashkë. Sot jam krenare që mundëm t’ia dalim. Betejën e kuptuam se nuk ishte e lehtë, por ai dolëm.
Kur filloi Reforma në Drejtësi unë kisha 30 vite eksperiencë në mësimdhënie. Ka qenë një universitet i dytë. Vitet e reformës në drejtësi janë një shkollë e vërtetë.
Ndihem shumë e privilegjuar sot që kam qenë pjesë e kësaj reforme, që ju më keni besuar. Erdha në politikë pa qenë pjesë akvite e politikës”, tha Hysi.
Fjala e saj u pasua nga një ndjesë prej kreut të mazhorancës.
Është për të ardhur keq që kontributet e jashtëzakonshme të shumë individëve janë hijezuar, janë nënvlerësuar dhe është ekspozuar vetëm një faktor, një problem që nuk them se nuk ka qenë, dhe për fat të keq është hiperbolizuar. Në këtë rast të kërkoj ndjesë.
Askush nga ju, ti në radhë të parë, nuk e keni merituar të kaloni këtë stres të kësaj zhurme ‘kriminelët, kriminelët’.
Unë jam prekur shumë nga letra jote sepse nuk është e zakonshme në ditët tona që dikush të gjejë energji pozitive duke dalë nga kjo valle. Një shembull fantastik që për fat të keq jo të gjithë e kanë dhënë dhe nderi është i yti”, iu drejtua Rama të vetëlarguarës Vasilika Hysi. /tesheshi.com/
