Kryetari i LSI-së, Petrit Vasili ka vendosur si objektiv të mandatit të tij në krye të partisë që mori pas largimit të Ilir Metës në presidencë, nxjerrjen e LSI-së forcë e pare politike në zgjedhje. Sipas tij, LSI i ka të gjitha përgjigjet e qarta dhe njerëz të aftë për të qeverisur.
Komentet vijnë ndërsa Vasili zhvilloi një takim me anëtarësinë në Kuçovë dhe në Berat, ku u prezantuan kandidatët për deputetë të LSI-së.
Duke marrë fjalën në takimin e zhvilluar në Kuçovë,
“Kemi një shans për rininë, kemi një shans për punësimin, por kemi një shans edhe për pensionistët. Kemi një shans të ri edhe për bujqësinë, kemi një shans edhe për zhvillimin ekonomik të vendit. Pra, i kemi të gjitha përgjigjet e gatshme që si forcë e parë të jemi fitues”, theksoi kryetari i LSI-së, Petrit Vasili.
I pranishëm në këto takime ishte edhe ish-kryetari i LSI-së, Ilir Meta. /tesheshi.com/
