LSI rikthehet në pozicionin që Ilir Meta mbajti para miratimit të nryshimeve Kushtetuese për reformën në drejtësi, duke kërkuar konsensus me çdo kusht.
Një ditë pasi Petrit Vasili kreu deputetëtëve të LSI-së në Parlament është takuar me ambasadorët e SHBA-së dhe BE-së: Donald Lu dhe Romana Vllahutin tha se partia e tij kërkon konsensus.
“Kjo reformë u arrit me konensus dhe ne konfirmuam vullnetin tonë për miratimin e plotë të kësaj pakete. Pjesa më delikate e procesit kaloi me mirëkuptim dhe të vazhdojmë të kemi qëndrim të hapur që i hap rrugë procesit. Ne vlerësojmë se mirëkuptimi i gjerë është vlerë e shtuar në soliditetin e reformës që po formësojmë.
Është reformë madhore, që e presin qytetarët dhe është bërë investim shumë i rëndësishëm politik. Debatet nuk duhet të jenë të pakapërcyeshme. Me Lu dhe Vlahutin ndamë të njëjtin vullnet dhe dëshirë”, deklaroi Vasili, por që nuk garantoi nëse do të votojë pro apo kundër, ose do të abstenojë.
/tesheshi.com/
