Petrit Vasili, Kryetari i grupit Parlamentar të LSI-së, pothuajse çdo ditë akuzon apo ironizon Kryeministrin Edi Rama, përmes komenteve në rrjetet sociale.
Së fundmi, Vasili ka thumbuar Ramën në lidhje me promovimin që ai po i bën turizmit shqiptar, në një kohë kur sezoni po përfundon.
“Gjithë bota bën promocione, panaire turistike dhe reklamë turizmit gjithë vitin, me përjashtim të korrikut dhe gushtit.
Ky shkollëpakëti, kryeministri ynë, bën promocion në gusht, në të dalë të sezonit turistik, pra bën një lloj aksham pazari. Aferim i qoftë, kaq di kaq bën!”, shkruan Vasili në rrjetet sociale. /tesheshi.com/
