Petrit Vasili, kryetar i grupit parlamentar të LSI-së, ka reaguar në lidhje me deklarimet e fundit të Ambasadorit amerikan, Donald Lu, mbi gjendjen e rendit dhe sigurisë në vend.
Vasili tha se LSI mbështet qëndrimet e ambasadorit Lu, pasi situata kriminale në vend është shqetësuese jo vetëm për imazhin, por edhe për sigurinë e qytetarëve.
“Shqyrtuam me shumë vëmendje qëndrimet e sotme të ambasadorit amerikan Donald Lu të problematikës lidhur me krimin.
Ndajmë të njëjtin shqetësim me çështjen që po kompromenton jo vetëm imazhin e vendit, por edhe sigurinë e qytetarëve.
U kemi kërkuar ambasadorëve kthimin mbrapsht të veprimeve të mazhorancës për kapjen e procesit të vetingut.
Ambasadori pati guximin e madh të tregonte krerët e bandave me emra, ndërsa kryebanditi që nuk i ndalon bandat dihet se kush është”, tha Vasili. /tesheshi.com/
