LSI ka reaguar në lidhje me ndërtimin që po kryhet në parkun e Butrintit. Ndërsa ministrja e Kulturës, Mirela Kumbaro ka pohuar se nuk ka asgjë të paligjshme, kreu i grupit parlamentar të LSI-së, Petrit Vasili ka akuzuar se banditizmi ka ‘pushtuar’ Butrintin.
“Banditizmi korruptiv qeveritar dhunon Butrintin. Europa ka parë ditët e saj më të errëta ne Mesjetë.
Shqipëria po përjeton tani mesjetën më të zezë me këtë qeverisje, sepse ka shkollëpakun në krye të qeverisë.
Banditizmi korruptiv që sundon në qeverisje nuk po kursen as Butrintin, këtë monument madhështor të arkeologjisë.
Për shkollëpakun në krye të qeverisë, që po betonon pa mëshirë Butrintin, qoftet dhe sufllaqet e kioskave janë më me vlerë se vlerat madhështore të Butrintit mijëravjeçar”, tha Vasili. /tesheshi.com/
