Në shumë xhami u mbajtën këtë të premte lutje për të ndjerin Jamal Khashoggi, në një varrim virtual në mungesë të trupit të tij. Ishte një thirrje e para pak ditëve e të vesë së tij Hatice Çengiz, e cila kërkoi që të ndjerit t’i bëhet e quajtura në gjuhë fetare si “falje e xhenazes”, një lutje e të gjallëve për të vdekurin para se të varroset.
Dhe kjo ndodhi këtë të premte në shumë xhami të botës islame, përfshirë dhe ato të shenjta në Mekë dhe Medine në Arabinë Saudite. Sipas së vesë së tij turke, ai kish ëndërr të prehej në varrezat e Medines.
Në faljen që iu bë në Xhaminë e Profetit, prezent ishte i biri Salah Khashoggi.
“Lutemi që Allahu t’ja falë gjynahet, ndërsa ata që e vranë të paguajnë çmimin e krimit të tyre”, tha një imam saudit i ndodhur në Xhakarta të Indonëzisë.
Ndërkohë, familja Khashoggi do të pranojë ngushëllimet në banesën e tyre në Jeddah nga e premtja deri të dielën. /tesheshi.com/
