Disa qindra njerëz morën pjesë të hënën në funeralin e një krokodili që besohej se ishte hyjnor dhe që jetoi në një dietë vegjetariane për dekada në një tempull hindu në Indi.
Një krokodil i quajtur Babiya ruante tempullin Sri Ananthapadmanabha Swamy në Kreala, duke vëzhguar vizitorët nga liqeni për gati 80 vjet.
Zvarraniku shumë i dashur u gjet i pajetë në një liqen mëngjesin e së hënës, pasi thuhet se kishte mbetur pa ushqim për disa ditë.
Tempulli Kasaragod, kushtuar perëndisë hindu Vishnu, është 3,000 vjet i vjetër dhe është mbrojtur për shekuj nga një krokodil i vetëm “hyjnor”, tha tempulli për mediat.
“Krokodili i fundit hyjnor u vra nga ushtria britanike rreth vitit 1940 dhe pas kësaj Babiya u shfaq në liqen. Nuk mund të themi se nga erdhi, por liqeni është i lidhur me shpellat poshtë”, tha tempulli.
Babiya u konsiderua e shenjtë sepse thuhet se nuk ka sulmuar kurrë një kafshë tjetër apo ndonjë njeri – duke përfshirë fëmijët që u sollën në buzë të liqenit për të prekur zvarranikun e fituar “bekimin” e tij.
Trupi i pajetë i krokodilit u dekorua me lule dhe u bekua para se të bartej nëpër turmën e vajtuesve në një shtrat me gjethe kokosi të vendosur në barelë, pas së cilës u varros në truallin e tempullit, transmeton Telegrafi.
Kjo është diçka e zakonshme në Indi, mes hinduve, të cilët edhe lopën e mbajnë për të shenjtë, duke e ardhuruar atë e madje pirë dhe urinën e saj për t’u ndjerë të bekuar. /tesheshi.com/
