Athina zyrtare ka dhënë shenjat e para se Ligji i shumë përfolur i Luftës me Shqipërinë, do të hiqet së shpejti. Ka qenë kreu i diplomacisë greke, Nikos Kotzias, ai që e ka quajtur këtë ligj si një budallallëk, ndërkohë që deri dje, fqinji jugor e mbante si “të shenjtë”
“Problemin me të madh që ndjejne shqiptarët, është se nuk është shfuqizuar mjaftueshëm zyrtarisht ligji i gjendjes së luftës, Greqia sigurisht do të përgjigjet . Dhe nuk mund të ketë asnjë pengesë formale apo një dyshim formal, se të dy vendet janë në gjendje lufte. Këto janë budallalleqë historike dhe duhet të mbarojmë me to”, ka deklaruar Kotzias duke folur në një intervistë për Real Neës.
Reagimi duket se ka ardhur si kompensim nga vendimi i Tiranës zyrtare për varrezat e ushtarëve grekë dhe padyshim dhënies nga Presidenti Meta, të nënshtetësisë shqiptare për Kryepeshkopin Janullatos. Dhe këtë stinë të re raportesh mes fqinjësh, e paralajmëroi vetë Ktozias kur tha se“të mos kenë dyshime për permirësimin e marrëdhënieve greko shqiptare dhe dobinë e tyre.
Tashmë, një pikëpyetje e madhe mbetet mbi marrveshjen detare, ku kreu i diplomacisë së Athinës është mjaftuar të thotë “do shohim”, pra ç’fat e pret marrëveshjen e përfolur, si dhe nëse do ketë dhe diçka në lidhje me çështjen çame në këtë stinë të re me “muaj mjalti” brenda. /tesheshi.com/
