E gjithë Europa gumëzhin nga lëvizja e tifozëve të Legias së Varshavës në Poloni.
Përveç thirrjeve nënçmuese ndaj presidentit rus Vladimir Putin, tifozët e Legias shkuan një hap më tej. Gjatë ndeshjes kundër Lech-ut, në minutën e 15-të, ata hapën një banderolë në të cilën lideri rus u shfaq me fanellën e Spartakut të Moskës me litar në qafë.
Në momentin kur u shfaq pankarta, tifozët e Legias ranë në trans entuziazmi dhe siç raportojnë mediat polake, edhe mbështetësit e Lech-it hoqën “kapelën” dhe i duartrokitën për këtë lëvizje.
Nuk është rastësi që Putin ishte me fanellën e Spartakut, pasi rifozët e Lech kanë pasur marrëdhënie të mira me tifozët e Spartakut të Moskës në të kaluarën.
Por duket se kësaj i ka ardhur fundi, duke qenë bandeola u prit me duartrokitjet dhe nga tifozeria rivale e Legias.
Kujtojmë se Spartak nga Moska u përjashtua nga faza me eliminim direkt në Europa League për shkak të agresionit që Rusia nisi në Ukrainë.
Polonia është një fqinj i Ukrainës, një vend i ish-bllokut lindut me lider Bashkimin Sovjetik, por që pas 90-ës i është bashkuar tërësisht Perëndimit. SHBA dhe NATO, kanë në këtë vend bazat e tyre më të mëdha në Europë. /tesheshi.com/
