Gjatë një fjalëmbajtjeje në parlamentin shqiptar, Komisionieri Evropian për Zgjerimin dhe Fqinjësinë Oliver Varhelyi, tha se Ballkani Perëndimor është përparësi e BE-së.
“Ne jemi me ju, po punojmë me ju që të bëheni shtete anëtare të BE-së dhe të integruara në jetën tonë. Ballkani Perëndimor ka qenë përparësi për Komisionin dhe që nga dita e parë kemi qenë të angazhuar për të mbajtur premtimet për Ballkanin.
Jemi të bindur se e ardhmja e rajonit është në BE. Shqipëria i ka ndjekur me vendosmëri përpjekjet për reforma, vendi ka bërë përparim vendimtar dhe është pranë përmbushjes së kushteve”, tha zyrtari i lartë i Brukselit.
Ai përmendi një paketë investimesh të fuqishme, të cilat do përfshijnë dhe Shqipërinë.
“Duam ta mbyllim hendekun mes juve dhe BE. do të keni mundësi shpejt të bëheni pjesë e familjes tonë. Kemi miratuar dje planin ekonomik për ju. Do të promovojë rimëkëmbjen afatgjatë rritje të konsiderueshme. Zbatimin e reformave drejt BE. Paketa e investimeve është në disa fusha. Nuk jemi këtu se cilat duhet të jenë përparësit por për të bashkëpunuar për të krijuar vende pune dhe rritje ekonomike.
Sfida më të mëdha janë me transportin, energjinë, digjitalizimin sektorin privat dhe rininë. Kemi për të mobilizuar 9 miliard euro me anë të grandeve. Përveç kësaj kapaciteti për rajonin duhet për një barazi, për një potencial investimesh deri në 20 miliard euro, duke përfshirë këtu natyrisht edhe Shqipërinë”, tha Varhelyi, i cili po viziton Tiranën këto orë. /tesheshi.com/
