Komisioneri i Zgjerimit Oliver Varhelyi vlerëson se BE dhe Ballkani Perëndimor po forcojnë marrëdhëniet e tyre me krizën e COVID 19.
Duke folur për mbështetjen e BE për Ballkanin Perëndimor në luftën kundër koronavirusit, ai tha se ofrimi i ndihmës nuk ishte një garë por një veprim domethënës dhe i dobishëm.
“Duke dalë nga kriza, marrëdhëniet tona me rajonin po forcohen dhe partnerët tanë ndjehen më të lidhur me BE,” shkroi ai në Twitter.
Pas samitit të liderëve të BE-së dhe Ballkanit Perëndimor, ai theksoi se deklarata e fundit e samitit riafirmoi që mbështetja dhe bashkëpunimi i BE-së me rajonin “shkon shumë larg asaj që partnerët e tjerë mund të japin”.
“Eshtë një fjali e mbështetur nga të gjithë liderët e BE, por edhe nga drejtuesit nga Ballkani Perëndimor,” tha Varhelyi.
Ndihma financiare
Presidenti i Bankës Evropiane për Rindërtim dhe Zhvillim (EBRD) Suma Chakrabarti kohët e fundit njoftoi një rritje të fortë të fondeve për Ballkanin Perëndimor këtë vit prej 1.7 miliardë eurosh, nga një rekord 1.3 miliardë euro vitin e kaluar.
Duke iu drejtuar samitit virtual të Bashkimit Evropian-Ballkanit Perëndimor të Zagrebit, ai tha se BERZH do të rritë mbështetjen për reformat që do të ndihmojnë rajonin të përballet me ndikimin ekonomik të pandemisë së virusit koronar.
Sipas tij, BERZH do të kombinojë gjithashtu mbështetjen e vet financiare për rajonin me grante nga partnerë të BE-së. /tesheshi.com/
