Në momentin që Shkëndija e Tetovës ka publikuar çmimet e leverdishme për futbolldashësit në ndeshjen e play-off të Europa Ligës kundër Milanit, detyroi rivalin e tyre shkupjan, Vardarin që të reduktojë dhjetëfish çmimin kundër ekipit turk, Fenerbahçes.
Vendimin e ka marrë pronari i Vardarit, Sergej Samsonenko, duke zbritur çmimet e biletave në 300 denarë (5 euro)për secilin sektor të tribunave, ndërsa për të gjithë ata që kanë blerë bileta me çmimet paraprake do t’i kthehen të hollat.
Kujtojmë që biletat e para që dolën në shitje për takimin Vardari-Fenerbahçe ishin nga 2 mijë deri në 3 mijë denarë(50 euro).
Takimi Vardari-Fenerbahçe do të luhet me 17 gusht në “Telekom Arena” në Shkup, ndërsa ai i kthimit pas një jave në Stamboll të Turqisë.
Ndërkohë përveç ndryshimit të çmimit të biletave, Samsonenko ka paralajmëruar edhe largimin e tij nga Vardari në fund të sezonit.
Në dallim nga ndeshja Vardar-Fenerbahçe, ajo ndërmjet Shkëndisë dhe Milanit, e cila luhet më 24 gusht, të gjithë të interesuarit biletat mund ti sigurojnë që nga dita e djeshme me çmime prej 400 denarë(7euro) deri 100 denarë(16 euro). /tesheshi.com/
