Kohë të vështira për një prej skuadrave më të spikatura spanjolle. Një sezon i nisur jashtëzakonisht keq për Valencian, që në katër javë ka pësuar katër humbje.
Ajo është e vetmja skuadër pa asnjë pikë, me një golavarazh -5. Një dështim çmimin për të cilin sapo e ka paguar Pako Ayestaran, trajneri i shkarkuar tashmë nga klubi.
Vetëm pesë muaj ka zgjatur puna e 53-vjeçarit teValencia. Detyrën e përkohshme e ka marrë Voro Gonzalez, që dhe më herët ka provuar të bëjë të njëjtën gjë.
Por i çuditshëm është reagimi i trajnerit të shkarkuar. Pavarësisht nga rezultatet krejt të dobëta, ai duket të mos e ketë pritur shkarkimin.
“Jam i zhgënjyer, sepse nuk e prisja këtë, por duhet të përballemi me rrethanat,” është shprehur ai.
“Kushdo që mendon se kjo është e parakohshme, ka të drejtë. Ju kurrë nuk mund të mendoni se kjo është e drejtë; sigurisht, unë nuk mendoj se është e drejtë,” thotë Pako Ayestaran.
Valencia ndeshet të enjten me Alavesin për javën e pestë të La Ligës. /tesheshi.com/
