Një valë zemërimi shpërtheu në të gjithë Shtetet e Bashkuara pas një fotografie ku dy oficerë policie mbi kalë u shfaqën duke shoqëruar të lidhur me litar një afro-amerikan, duke përcjellë kështu imazhet e dikurshme të skllavërisë dhe racizmit kundër zezakëve.
Vernon Hale, shefi i policisë së qytetit të Galveston, Teksas, përcolli një kërkim falje pas incidentit, por ajo ngriti edhe më shumë kritika pasi njerëzit thanë se deklarata ishte “e dobët”.
Hale tha se njeriu i prangosur në foto ishte Donald Neely, i arrestuar të shtunën për cenim të pronës private, dhe se ai duhej të ishte sjellë në komisariat me makinë policie në vend që të sillej me kalë.
“Megjithëse kjo është një teknikë stërvitore dhe më e mira në disa raste, unë besoj që oficerët tanë të policisë morën patën një gjykim të dobët në këtë situatë”, tha shefi i policisë në një deklaratë.
“Së pari dhe më e rëndësishmja, unë duhet t’i kërkoj falje z. Neely për këtë turp të panevojshëm”, shtoi Hale.
Por për Clayborne Carson nga Universiteti Stanford, incidenti ishte “jo vetëm një çështje e trajnimit” oficerëve të policisë.
“Kushdo që ka pak njohuri për historinë amerikane do ta kuptonte se çfarë tregon një foto e një njeriu me lëkurë të errët që po shoqërohet në këtë mënyrë. Po na kujtohen gjërat më të këqija të racizmit dhe skllavërisë “, tha Carson. /tesheshi.com/
