Policia e Hong Kongut arrestoi nëntë persona nën dyshimin e pjesëmarrjes në aktivitete terroriste.
Në një deklaratë të policisë thuhet se aksioni u krye pasi u zbulua qëllimi i të dyshuarve për të bërë pajisje shpërthyese dhe për t’i vendosur ato në qytet.
Individët u arrestuan në një kohë të ndarjeve politike në Hong Kong, dy vjet pas protestave masive që zgjatën disa muaj në atë qytet.
Disa ditë më parë, një burrë goditi me thikë një oficer policie para se të bënte vetëvrasje.
Nga nëntë të arrestuarit, gjashtë janë studentë të shkollës së mesme dhe policia pretendon se të dyshuarit u përpoqën të bënin eksplozivë në një laborator të improvizuar në një hotel.
Policia tregon se personat planifikuan të vendosnin mjete shpërthyese në gjykata, tunele, në hekurudha dhe kosha mbeturinash, në mënyrë që t’i shkaktonin sa më shumë dëm shoqërisë.
Pesë burra dhe katër gra midis moshës 15 dhe 39 u arrestuan në lidhje me incidentin. /tesheshi.com/
